දන්න සිංහලෙන් Forex

02. What is Traded in Forex?

මොනවද මේ Forex Market එකේ Trade කරන්නෙ?

මේ ප්‍රශ්නෙට දෙන්න තියන සරලම උත්තරේ තමයි, සල්ලි. එහෙමත් නැත්නම් එක එක රටවල් වල Currency.

Forex Market එකේදි අපි Physical දේවල් ඒ කියන්නෙ දැනෙන දේවල් එක්ක නෙමෙයිනෙ ගණුදෙනු කරන්නෙ. ඉතින් මේක පහදිලි කරගන්න එක පොඩ්ඩක් පැටලිලි සහගත වෙන්න පුළුවන්. ඒක නිසා අපි පොඩි උදාහරණයක් ගමු මේ සංසිද්ධිය පැහැදිලි කරගන්න. මේක 100%ක්ම perfect representation එකක් නොවුනත් අපිට තේරුම් ගන්න ලේසි වෙන්න තමයි මේ උදාහරණය පාවිච්චි කරන්නෙ.

ඔයාල හැමකෙනෙක්ම වගේ Stock Market එක ගැන දන්නවනෙ. Stock Market එකේදි අපි කරන්නෙ මොකක් හරි සමාගමකින් කොටස් මිලදී ගන්න එකනෙ. අන්න ඒ විදියටම Forex Market එකේදි අපි කරන්නෙ මොකක් හරි රටකින් කොටසක්, ඒ කියන්නෙ company එකකින් share එකක් ගන්නව වගේ රටකිනුත් ගන්නෙ share එකක් කියල හිතන්නකො.

ඒ වගේම අපි දැනගන්න ඕනෙ මොකක් හරි රටක currency එකේ price එක රඳා පවතින්නෙ Market එක ඒ currency එක අදා රටේ වර්ථමාන ආර්ථිකය සහ අනාගත ආර්ථික තත්වය ගැන දරණ අදහස මත කොයන එකත්. මෙතනදි Market එක කියන එකෙන් අදහස් කරන්නෙ Trades ලව.

දැන් අපි යමු කරුණු කාරණා ටික සරල කරල පැහැදලි කරගන්න.

හිතන්න ඔයා Japanese Yen එකක් ගන්නව සල්ලි දීල. දැ අපි කලින් කතා කරගත්තු විදියට ඔයා මොකද්ද මේ අරගෙන තියෙන්නෙ කියල කියන්න බලන්න.

අන්න හරි. 👍👍 ඔයා මේ අරන් තියෙන්නෙ ජපානයේ Economy එක කියන company එකෙන් එක කොටසක්.

හරි දැන් ඔයා මේ ගත්තු yen එකත් ළඟ තියාගෙන ඉද්දි ජපානෙ ආර්ථිකය දවසින් දවස හොඳ පැත්තට යනව කියල හිතමුකො. දැන් ටික කාලෙකින් ඔයා මේ Yen එක ආයෙ Market එකටම විකුණුවොත් ඔයාට Profit එකක් ගන්න පුළුවන්. මොකද ඔයා Yen එක ගද්දිට වඩා දැන් ආර්ථිකය හොඳයි. ඒ කියන්නෙ Yen එකේ මිල වැඩි වෙලා. අපි what is forex කියන topic එකෙනුත් මේ ගැන කතා කරා මතක ඇති ඔයාලට.

සරලවම කියනවනම් Currencies දෙකක් අතර Exchange rate එක කියල කියන්නෙ, එක රටකට සාපේක්ෂව අනිත් රටේ ආර්ථික ශක්තියේ ප්‍රතිබිම්බයක්.

මෙහෙම හෙමීට ඉස්සරහට යන්කො. ඉස්සරහට මේ දේවල් ගැන වගේම තව මීට වඩා සෑහෙන්න වැදගත් දේවල් ගැන ටිකක් ගැඹුරෙන් බලමු අපි.

Major Currencies

මොනවද මේ Major Currencies කියල කියන්නෙ?

ලෝකයේ විශාලතම ආර්ථිකයන් තියන රටවල් වල currencies වලට තමයි අපි Major Currencies කියල කියන්නෙ. ඒ වගේම Forex Market එකේ වැඩිපුරම Trade වෙන්නෙත් මේ Major Currencies තමයි.

Forex Market එකේ අපිට Trade කරන්න පුළුවන් Currencies බර ගාණක් තියන නිසා Forex Market එකට අළුතෙන් එන Beginner කෙනෙක්ටත් මුලින්ම මේ Major currencies එක්ක වැඩකරන එක තමයි නුවණට හුරු.

මතක තියාගන්න ලේසි වෙන්න සහ අපේ පහසුවට අපි Major Currencies 8 ක් තියනව කියල ගමු. ( මේ අටත් තව කොටස් දෙකකට බෙදන්න පුළුවන් උනත් ඒක ඒතරම් වැදගත් දෙයක් නෙමෙයි. )

පහලින් ඔයාලට බලාගන්න පුළුවන් Majors ගැන පොඩි විස්තරයක් වගේම එයාලට කියන nick names ටිකත්. 😉

ඔයාල දකින්න ඇති මේ හැම currency එකක්ම හඳුන්වන්න අකුරු තුනක් පාවිච්චි කරනව. මොකද්ද මේ අකුරු තුන? ඇයි අකුරු තුනක්ම ගන්නෙ? 🤔

International Organization for Standardization (ISO) කියන තත්ව පරිපාලන ආයතනය විසින් තමයි 1973දි අපි මේ දැනට භාවිතා කරන Currency නාමකරණය හඳුන්වල දුන්නෙ. මේ ක්‍රමය හඳුන්වන්නෙ ISO 4217 Currency Code කියන නමින්.

දැන් බලමු මොනවද මේ අකුරු කියල.

Currency එකක් නාමකරණයට පාවිච්චි කරන මුල් අකුරු දෙකෙන් කියවෙන්නෙ ඒ currency එක අයිති රට.

NZD කියන Currency එක ගමුකො අපි උදාහරණයක් විදියට පොඩ්ඩක් පැහැදිලි වෙන්නෙ. මේකෙ මුල් අකුරු දෙකෙන්, ඒ කියන්නෙ NZ කියන එකෙන් කියවෙන්නෙ Currency එක අයත් වෙන රට. NZ කියන්නෙ Newzelend කියල අපි හැමෝම දන්නවනෙ.

එතකොට මොකද්ද අන්තිම අකුර? ඒක තමයි Currency එකට අදාල අකුර. Newzelend වල පාවිච්චි කරන Currency එක තමයි Dollar. ඉතින් ඒක represent වෙන්න අන්තිම අකුර විදියට ගන්නෙ D.

එතකොට Newzelend වල Currency Code එක වෙන්නෙ NZD එහෙමත් නැත්නම් Newzelend Dollar.